美國一名網民近日因為唔見咗信用卡而向銀行申請補發,但銀行喺收到申請後竟然連續寄咗64張信用卡比佢,令佢哭笑不得。而該網民隨後亦決定將經歷分享到討論區Reddit,向網民講清楚呢件搞笑事嘅來龍去脈。


該網民 Peter 以「銀行竟然連寄了64張信用卡給我」為題發文表示,從12月嘅某一日起,佢每隔幾日就會收到一張新嘅信用卡。而且每張信用卡都係一式一樣嘅,唯一差別就係失效日期,例如:第一張卡嘅到期日為12月24日,最後一張卡嘅到期日為4月30日。


Peter 繼表示,自己曾經向銀行反映呢個情況,但銀行推卸責任,指發卡由「第三方處理」,讓佢十分無奈。幸好 Peter 指自己目前已經有10日沒收到新嘅信用卡,並相信事情已經告一段落。有關貼文曝光後亦引嚟唔少網民熱議,當中有人更留言笑道:「銀行應該擔心你之後會再唔見信用卡,所以先會寄多啲比你做後備」。


圖片來源:PTRFRLL@Reddit