疫情令航空業界大受打擊,但依然不滅一位年輕人想成為機師嘅夢想。

就讀香港理工大學航空工程學學士課程四年級,年約22歲嘅冼家賢,獲選為該校2020年度嘅工程學院卓越學生獎得主。

冼家賢自4歲起就係一個「飛機迷」,中意砌飛機模型;9歲時仲為咗目睹空中巴士A380首次响本港上空低飛,冒住返學遲到嘅風險都要去睇。另外,佢有一張「夢想清單」,就係乘坐唔同嘅飛機種類。每次搭飛機,佢都有可能會因為機種而嘗試提早或延後該乘搭航班。 

中學畢業後升讀航空工程學學士課程,學業成績優異,上學年成績平均積點(CGPA)更達滿分(4分)。佢喺2019年參加咗香港航空青年團舉辦嘅「帝王鳥行動」,前往新西蘭交流3個星期,仲完成咗响固定翼飛機上嘅首次個人單飛,並繞行一圈。佢形容當時既緊張又興奮,又認為係每個機師嘅里程碑。 

同年暑假,佢前往國泰航空位於曼谷嘅工程部實習,當時跟隨維修員同工程師工作,為飛機檢查及維修。佢亦指,明白現時相關工作機會減少,但未有放棄成為機師嘅夢想。 

圖片來源︰網上圖片