澳洲男子 Danny Griffiths  2017年喺塔斯馬尼亞滑浪時遇上巨浪,意外唔見咗佢最心愛嘅滑浪板。而正當佢以為無可能再見返呢塊滑浪板嘅時候,有漁夫喺距離塔斯馬尼亞2,700公里外嘅昆士蘭檢獲該塊滑浪板,讓該男子可以喺4年後與愛板重逢。


近日2名來自昆士蘭嘅遊客到塔斯馬尼亞旅遊時,同當地嘅滑浪者提起自己做漁夫嘅兒子,並指佢早前喺昆士蘭一個岸邊拾到一塊滑浪板。而該名滑浪者聽到對方對滑浪板嘅描述後,便確定滑浪板屬於Danny,並立即通知佢有關滑浪板下落。


Danny 得知有關情況後,立即聯絡該2名遊客嘅兒子,並希望佢能將滑浪板物歸原主。最後Danny喺對方嘅協助下,終於如願收到自己心愛滑浪板。Danny 亦表示,雖然從依附板上嘅藤壺估計,滑浪板已經喺海上飄浮了16個月,但滑浪板仍可使用。


圖片來源: Danny Griffiths