香港以前係一個小漁村, 60、70年代經濟發展,喺中西文化交流下,各行業充滿中西元素,可惜有啲行業已經漸漸式微甚至消失。Artspace K宜家正舉辦緊嘅「仍然記得佢哋嗎?——藝術家筆下的香港老行業」特展,就邀請咗4位跨越四個世代嘅香港知名藝術家,展出超過70件畫作,帶觀眾重窺昔日香港風貌。

由即日起至6月27號,Artspace K會係淺水灣會址(淺水灣淺水灣道109號G105-106)舉辦「仍然記得佢哋嗎?—藝術家筆下的香港老行業」特展。展覽請嚟四位知名藝術家——歐陽乃沾、沈平、劉啟舜同慧惠,用唔同嘅創作形式,透過畫筆以樸素、細膩及趣味嘅方式描繪出60、70年代至今嗰啲被人遺忘或消失嘅行業,帶睇畫人不知不覺咁返到去昔日嘅香港生活氛圍中。

除畫作外,喺4月4號同6月13號仲會有老行業-吹糖表演睇添。四位藝術家亦會舉辦個人講座,分享自己嘅作畫技巧、靈感由來,有興趣嘅朋友可瀏覽Artspace K網址預先登記。

圖:Artspace K