唔少人都有蛀牙問題,依家就有研究發現到蛀牙嘅奧秘,有助日後研究預防蛀牙。

香港科技大學海洋科學系及生命科學部講座教授錢培元,帶領嘅跨學科研究團隊,揭示咗人類口腔「變形鏈球菌(Streptococcus mutans)」所釋出嘅新型微生物小分子同蛀牙形成有關,為人類口腔微生物群對健康影響提供一個新嘅科學證據,推動未來預防蛀牙研究。

變形鏈球菌係生存喺人類口腔嘅主要天然菌,佢可以形成生物膜(biofilm)同產生有機酸,一直被認為係導致蛀牙的主因。 

錢培元研究團隊從臨牀牙菌膜分離嘅變形鏈球菌菌株中,發現一種「聚酮/非核糖體肽生物合成基因簇muf」,該基因簇與生物膜形成能力嘅增強有直接相關。佢哋又發現同muf有關;具有新型分子骨架結構嘅生物活性產物mutanofactin-697。進一步研究揭示,呢種獨特嘅微生物次級代謝物,係透過一種前所未有嘅理化機制,引致生物膜形成,喺形成蛀牙嘅關鍵過程中發揮作用。 

研究成果經已喺權威前沿科學雜誌Nature Chemical Biology發表,並獲Nature以亮點研究報道。 

圖片來源︰科大


科大生命科學部講座教授錢培元(右);研究團隊成員之一李忠瑞(左)。