一年一度嘅中學文憑試筆試(4月下旬)即將開鑼,大家緊唔緊張呢?

學校昨日(3月17日)起至3月23日(周二)陸續領取准考證,再派發俾學生。由於疫情持續,考試及評核局向學校發通告,學生如因病或其他特殊情况,例如因強制隔離而未能應試,可提出特別考慮嘅申請,考生必須喺考試前致電或電郵至考評局備案,並喺考試日後起計21日內提供附有校長支持其申請嘅函件、有效醫生或相關證明文件正本,向考評局就有關科目/卷別申請成績評估。考評局同去年一樣作單次特別安排,科目評審成績最高可達第5級。

考評局指出,會按有關考生該科喺全級同學嘅校內成績,以及全級同學喺是次文憑試該科考試中所考獲嘅成績作比較而評定。

另外,教育局今日(3月18日)宣佈提供試場嘅學校會於4月26至30日及5月3日期間暫停面授課堂,以騰出更多課室作試場及教師擔任監考人員。

圖片來源︰FB@星活教育