小朋友扭計相信係家長們最頭痛嘅事,不過如果屋企有個「神隊友」就少好多煩惱喇!美國加州有個6歲小朋友,安撫扭計嘅4歲細佬有佢嘅獨門秘方,就係教細佬深呼吸嚟平復情緒,等佢唔好再扭計話玩遊戲機。

小朋友嘅媽媽喺社交平台分享一段短片,指自己4歲嘅囝囝嘈住要玩遊戲機,但遊戲機仲叉緊電未玩得,於是佢就不停崩潰大喊,仲嬲到跳上跳落。呢個時候,6歲嘅哥哥就試圖安撫細佬,佢配合手勢溫柔咁叫細佬跟住佢深呼吸:「來,我們一起深呼吸,吐氣,再來一次。」細佬照做之後真係平靜落來。哥哥後嚟拍拍細佬膊頭,叫佢一齊返房,成個過程被媽媽影低並上網分享。

網民大讚哥哥係情緒管理大師,又指媽媽教咗一個有愛心、有同情心嘅小朋友,非常有正能量。

圖:Twitter@Ashleyoutloud