林梓穎(Stephanie)係「香港傑出學生選舉2019-20」得獎者,今年18歲,就讀荃灣官立中學。

梓穎20個月大時,被醫生發現患有白血病,要接受3年化療,治療期間亦出現過不少併發症,如諾沃克病毒及跌斷大髀骨;小五時左眼不慎受到感染,致左眼失去九成視力。梓穎最後都一一克服,並長成一位多才多藝嘅少女。 

梓穎由衷咁話,「我會相信只要你活着,你人生就會有好多可能性」,並深深相信「希望」。梓穎都好感恩由細到大,面對逆境時都有家人陪伴在旁,令佢可以一直保持樂觀心態。 

梓穎自3歲起接觸鋼琴,同音樂結下不解之緣。6歲時媽媽鼓勵下,參加香港優秀兒童合唱團。小六時,考獲鋼琴八級考試優異成績,目前已經去到演奏級階段。另外,小學時期不時喺短跑拎到好成績,後來又迷上籃球,左眼受損都無阻佢喺球場發揮,又表示好享受打籃球時同人交流嘅感覺。 

梓穎係應屆DSE學生,佢未來打算到外國升學。修讀心理學同時,好好鑽研音樂,希望將來可以喺音樂行業發展,用音樂療癒人心。 

影片中演繹歌曲︰

Coldplay– Fix you

Jonas Brothers – Hesitate