大家有冇見過小巴化身「小賣部」?小巴司機真係唔話得! 

有青衣家長(314日)喺Facebook專頁「青衣社區報」投稿,指同小朋友出街上咗一架小巴409K,被車上一大堆零食吸引住目光。

投稿人表示,第一念頭係以為小巴都開埋小賣部。又詳述,「零食除咗有珍寶珠,KitKat,紫菜之外,仲有車仔茶包同胡椒粉」,之後又覺得係司機嘅員工福利。 

投稿人忍唔住落車前問司機,「點解會有咁大堆零食嘅?我個女由上車就一直望住喇」,司機哥哥指係請小朋友食,小朋友聽完固然開心,亦都令投稿人聽完覺得好動容。 

投稿人最後指,「司機哥哥為咁啱遇上嘅小乘客送上一點甜,足以令小乘客開心半日」,又指自己收咗一份有愛嘅「禮物」。唔少網民留言,覺得司機好有愛;又指呢架車令人坐得特別開心。有坐過呢架車嘅乘客仲話,「坐第一排,停燈位時司機哥哥會叫你自己攞」。認真有愛! 

圖片來源︰FB@青衣社區報