荃灣黃金地段中,座落咗一個非常神秘嘅貨倉。

原來呢個被荒廢44年嘅「美港貨倉」歷史悠久。近日有市民發現有重型車輛進出,閉關多年突然有車出入,引起大眾熱議。有不少人隨即關注呢個建築嘅其後發展,係保育定面臨拆卸係一個未知之數。 

呢個紅磚式建築嘅「美港貨倉」係一個私人地方。其創辦人係蔡聲白,1894年喺浙江出生,畢業於美國麻省理工。回流中國後,同上海絲綢大王莫觴清女兒結婚,其後接手「上海美亞織綢廠」,40年代末內地政局動蕩,蔡聲白移居香港並成立「香港美亞織綢廠」,喺荃灣青山公路荃灣段現址設倉,將其命名為「美港貨倉」。 

該區議員認為,「美港貨倉」代表荃灣由紗廠轉型成新市鎮嘅發展歷史,反映出荃灣前世今生。 

由於該地係私人持有,所以想爭取保育有一定難度,何去何從未有定案。 

圖片來源︰FB@ACOO