為咗令仔仔可以均衡飲食,一位台灣媽媽就嘗試製作出色彩艷麗、造型精緻嘅飯盒,希望可以引起仔仔嘅食欲,並乖乖地食晒所有食物。而佢更無私地將所有便當嘅製作方法分享到Facebook,比其他媽媽作參考。


住喺美國加州嘅台灣籍媽媽Kelly,早年因為3歲嘅仔仔未能適應校園生活,喺學校唔願食飯,所以決定辭職成為全職媽媽,以騰出更多時間去照顧仔仔。而為咗令仔仔可以均衡飲食,曾任服裝設計師嘅佢更加發揮創意,設計出各種令人食指大動嘅「造型飯盒」。


Kelly最初以仔仔鍾意嘅可愛公仔為題去設計飯盒,例如:小貓、小兔子、火箭、機械人、小熊等,隨後其後她更將難度提升,以唔同圖畫為題去設計,例如:白雪公主、鯨魚、小王子等。而Kelly嘅心機亦都無白費,因為呢啲「造型飯盒」不但成功吸引到仔仔,更加令佢開始期待下一個飯盒嘅主題。


圖片來源:Facebook@tinyhumanbigappetite