近年環保教育加強,大眾環保意識亦漸漸提高,近數月仲推出有經濟誘因嘅回收活動,大眾更踴躍參與。 

去年十二月底,長沙灣開設咗「綠在長沙灣」,地點方便,至今已收集及處理塑膠總重量超過28噸,每月平均9.42噸,較環保署合約中所要求嘅每月不少於7噸,高出35。回收中心亦設「綠綠賞」儲分計畫,以一公斤約50個膠樽計算,每公斤膠樽能夠獲取80積分,換算為回收625個膠樽就可以憑1000分換取一公斤米。負責營運嘅環團「綠領行動」表示,市民反應踴躍,米同油都好受歡迎。 

當局除咗喺各區設立「綠在區區」,亦會資助非牟利機構喺全港設立22個「回收便利點」,其中屬於「回收便利點」嘅「綠在長沙灣」喺去年1215日開業,回收種類除咗有「膠樽」外,仲會回收「其他塑膠」,亦包括廢紙、金屬、玻璃樽、四電一腦、小型電器等,回收物會經過分類及暫存,再運送到環保局認可嘅下游回收商作後續處理。 

綠領行動總幹事何漢威表示,開業至今共回收超過65噸回收物,塑膠佔43,其中膠樽超過12噸,其他塑膠有15噸,其次廢紙佔27,超過17噸;金屬同玻璃樽分別逾3噸同6噸。除咗膠樽,其他回收物累計超過37噸,每月平均12.4噸,比環保署每月規定不少於一噸嘅目標,多約11倍,形容回收成果喜出望外。 

「綠在長沙灣」都加入咗綠色元素,該場所安裝咗一塊370瓦特嘅太陽能板,陽光充足嘅話,一日平均可以產生200300瓦特電力,足夠4USB充電68個鐘,並設520個盆具有淨化空氣功能嘅黃金葛組成綠牆。 

圖片來源︰FB@綠在長沙灣