自深水埗主教山配水庫等歷史建築引起大眾關注後,古物諮詢委員會緊密開會商討其他歷史建築評級價值。

古物諮詢委員會周四(311日)開會,一致確認「深水埗主教山配水庫」同「油麻地配水庫」為一級擬議歷史評級。會上有不少委員都提議,一併檢視整個九龍供水系統其他部分嘅歷史價值,例如九龍水塘及大埔道沙濾池等。 

古諮會主席蘇彰德會後表示,歷史建築要評為法定古蹟,現行機制下必先成為一級歷史建築。又指,相信佢哋成為法定古蹟只係時間問題,但程序上要一步步行。

另外,發展局依家正為配水庫進行加固工程,又以安全為大前提下,考慮安排市民有限度咁參觀配水庫。

除咗該兩個配水庫,蘇主席希望今年完成本港其餘3個配水庫嘅歷史評級,包括雅賓利食水配水庫、山頂食水配水庫及歌賦山食水配水庫,之後再一併檢視以上5個戰前配水庫嘅歷史價值,再從中揀當中達到法定古蹟門檻嘅項目,向發展局推薦列為法定古蹟。

另外,該會亦通過沙頭角山咀村協天宮、舊大埔警署,以及西營盤般咸道官立小學,由一級歷史建築升格為法定古蹟。 

圖片來源︰主教山配水庫3D影片中擷取