疫情令航空市道低迷,而近日就有一個好消息啦!大灣區航空有望喺年底投入服務!

由深圳東海航空董事長黃楚標創立嘅大灣區航空,早前申請經營在港同往來香港嘅客運、貨運或郵件服務,共104個航點,涵括中國內地、日韓、台灣及東南亞航線。

大灣區航空董事許漢忠表示,目前正申請航空營運人許可證等程序當中,希望喺今年第三季完成所有申請,年底前3架飛機可以投入服務。又表示,公司喺管理、登記、股權結構及整體規劃,都符合香港管理航空嘅要求,加上公司屬於東海集團,絕對有財政能力支持發展,並計劃喺今年第二季度招聘人手。

圖片來源︰Unsplash@Ross Parmly