大灣區發展勢不可擋,年青人更要把握機會到大灣區大展拳腳。 

「大灣區共同家園青年公益基金」推出「創明天獎學金」,以表揚及鼓勵才學兼優及熱心服務社會嘅本地大學生。該頒授典禮(39日)喺會展中心舉行,有15位學生入選,每位得獎者獲頒五萬元獎學金。 

呢項獎學金吸引咗300名來自13間院校學生申請,最後入圍嘅15位學生多方面都表現卓越。經評審團審核後,基金會決定將獎學金名額由原定10名增至15名。 

典禮上,大灣區共同家園青年公益基金主席黃永光表示,15位獲獎者多才多藝,表現出色,畀大家睇到香港青年人係充滿希望嘅一代。又表示,希望佢哋可以利用自己嘅才華、創意、朝氣同社會責任感去回饋社會,為香港共創更好明天。 

黃永光續指,除獎學金外,基金會為獲獎同學安排到大灣區進行交流活動,包括到訪大灣區各內地城市、著名大學包括暨南大學、中山大學及華南理工大學等學府,及當地龍頭企業如華潤、騰訊、大疆等。 

另外亦會邀請申請者中嘅200位同學參與大灣區之旅。相信屆時同學能開闊眼界,並對日後職業規劃有好大幫助。當香港同內地恢復正常往返後,基金計劃會舉辦更多交流活動,畀青年對大灣區內地城市嘅發展有更深了解。 

圖片來源︰FB@大灣區共同家園青年公益基金