就嚟到週末,仲未諗好今個禮拜去邊度玩?一於嚟17LIVE主辦嘅《ART IS @LIVE》藝術展喇!由今日起至星期日(14號),17LIVE會喺JCCAC賽馬會創意藝術中心L0藝廊,舉辦首個線下實體慈善藝術展。啓動禮更邀請到歌手鄭融到場,展覽除咗可以睇到鄭融親筆畫作外,仲結集30位本地藝術創作者嘅作品,更加設唔少打卡位,為大家帶來一場多領域、多風格嘅藝術盛宴。

今次「Art is @live」慈善展覽集合30位本地藝術創作者,帶來唔同藝術風格嘅作品,例如油畫、水墨作品、霓虹燈藝術、混合媒體作品等。每件展品都有獨立QR Code,掃描後可以會進入創作者嘅17LIVE個人帳號,即時睇到每件作品嘅創作故事,仲可以直接入創作者嘅直播間即時互動添。

有見新冠疫情為社會帶來唔少生活、情緒壓力,為咗令更多人關注情緒健康,17LIVE亦借助呢次「Art is @live」展覽,邀請30名參展創作者同歌手鄭融共同設計Postcard,限量義賣,收益將會全數捐贈「精神健康基金會」(Mental Health Foundation),以喚醒更多人關注精神健康。

有興趣嘅朋友可瀏覽eventbrite網頁,同埋記得先登記入場啊,免費全免。

圖:IG@stephanie_cheng,FB@17LIVE