坊間一直對南亞人有不少唔好嘅聲音,近日有發現原來佢哋喺本港紮根已久,其歷史更要追溯到1890年代。 

融樂會副主席、印度裔社工安德里(Jeffrey Andrews)(39日)於其Facebook專頁發佈,當日同40多名義工,喺跑馬地印度教廟內嘅一個墓地進行修復工作。另外,發現有好多南亞人安息於該墓地,當中有不少係第一、二次世界大戰嘅士兵,最早埋葬年份係1893年。

安德里表示,呢到原本係一個破碎嘅墳場,一眾義工喺短短幾個小時內,不單止對其進行改造,仲賦予咗愛、尊重同恢復原貌。行動當日,義工有來自唔同界別嘅人,包括少數族裔、華裔甚至小朋友,佢哋朝早9點開始一直工作到下午5點。席間,有人發掘咗3塊被泥草覆蓋多年嘅墓碑,令人更了解到上世紀南亞人喺本港嘅歷史。 

安德里呼籲,「在今個星期六,我呼籲更多人參加這個活動,以幫助我們完成剩餘的修復工作」。又呼籲大眾帶上家人、朋友或同事加入佢哋嘅社區活動,親身感受本港多樣性嘅歷史文化。 

圖片來源︰FB@ Jeffrey Andrews