為咗讓民眾可以喺疫情期間同親友保持聯繫,加拿大郵局近日就舉辦咗一個全民免費寄明信片嘅活動,比市民透過寄信片表達自己對親友嘅思念同愛意。而郵局更一共寄出約1,350萬張明信片比當地每一個家庭,鼓勵佢哋參加今次嘅活動。


郵局一共設計咗6款以「愛」、「感謝」或「讚美」為主題明信片,並隨機發放比每個家庭。而民眾收到明信片後可以喺上面上寫自己嘅寄語,並免費寄去國內任何一個地址。


受疫情影響,民眾都未能同親友見面傾計,所以加拿大郵局就希望透過今次嘅明信片活動,推廣呢一種同親友聯繫嘅方式。而郵局嘅總裁 Doug Ettinger 亦表示,具意義的聯繫對情感健康尤其重要,希望市民遵守社交安全距離同時,與重要的人保持聯繫。


圖片來源:Twitter@canadapostcorp