全港首個廚餘回收設施「O.PARK1」近日開放終於開放比公眾參觀,大家由即日起可以到官網預約導賞團,到北大嶼山小蠔灣嘅廠房了解一下設施嘅運作模式,以及將廚餘轉化為能嘅原理。而每位參觀嘅訪客更可獲贈一包由廚餘製成嘅堆肥,作為紀念品。


現時導賞團一日只設4團,分別以廣東話、英文及普通話進行。受限聚令影響,目前導賞團只可3名訪客一團,但喺正常情況下則可安排8至10人一團。要注意嘅係,「O.PARK1」場內不提供個人車位停泊,但就提供免費穿梭巴士比參觀人士來往港鐵欣澳站。


其實「O.PARK1」早於2018年7月啟用,設施每日可處理約200公噸廚餘,並將其轉化為電力以及堆肥。而設施生產出嚟嘅電力除咗供內部使用外,每年亦會向外輸出約1,400萬度電力(亦即約3,000個家庭嘅用電量)。除此之外,園區仲結合咗環保、多元科技同教育元素,以向大眾推廣「惜食減廢」嘅文化。


圖片來源:Facebook@大嘥鬼 Big Waster