UA 戲院近日突然宣布全線結業,讓一眾影迷都感到十分可惜。不過喺戲院結業嘅同時,一班手持UA戲院現金券嘅網民卻趁機炒賣「絕版貨」,將原本價值$50元嘅現金券賣貴10倍,嘗試將「廢紙」變返做銀紙。


喺UA戲院宣布結業後,二手拍賣平台上就有人放售UA戲院現金券。當中唔少賣家反而將現金券賣得更貴,最誇張嘅賣家甚至以每張$1,000元嘅高價,放售2張於今年12月31日到期的100元現金券。而該賣家更稱「 「UA紀念品,K11特別版,極具珍藏價值,36年結業執笠回憶,香港人精神集體回憶。」


不過參考網站上其他UA現金券嘅叫價,一般都為面額的七至八折,所以呢啲天價嘅現金券應該都係「有價無市」,難以成功賣出。而呢種炒賣行為亦引嚟唔少網呢批評,有網民甚至留言笑道:「出現了,香港味道」。


圖片來源:香港電台,Carousell