大家唔洗飛日本都可以體驗到製作杯麵啦! 

日清食品(35日)宣布,日本旗艦旅遊景點「合味道紀念館」即將登陸香港,開設喺尖沙嘴中港城,並設立三大體驗式工作坊。 

合味道紀念館香港會有別於日本大阪池田及橫濱嘅「合味道紀念館」。香港紀念館佔地近一萬平方呎,以「安藤百福創造力之旅」為主題,設立三大「打卡位」及三大體驗式工作坊。三個體驗式工作坊當中,有全球獨家限定兼全新登場嘅「榖物麥片工作坊」,參加者能夠從中了解到新產品誕生嘅緣由及製作過程。另外兩個體驗式工作坊係「我的合味道工作坊」同「出前一丁工作坊」,參加者可以親手設計食品包裝及材料配搭,並喺館內探索品牌背後嘅小知識。 

日清食品執行董事、董事長兼首席執行官安藤清隆表示,希望合味道紀念館香港透過以食品為主題嘅教育、娛樂及互動元素,激發訪客嘅創意及好奇心,期望合味道紀念館香港可以成為本港著名旅遊景點之一,吸引更多本地及世界各地嘅旅客。

圖片來源︰日清食品