用於介紹故宮歷史文化,展示故宮博物院嘅書畫、器物同古籍等藏品嘅香港故宮文化博物館預計於2022年6月底正式開幕。屆時館內嘅九個展館內將會展出嚟自北京故宮博物院嘅800多件文物,當中至少兩成文物為國家一級文物,而部分文物更從未展出,令人期待。


全國政協常委、故宮文物醫院院長宋紀蓉表示,北京故宮博物院將會向香港故宮文化博物館提供800多件文物作展覽,但詳細嘅送到香港嘅文物名單明年才會確實,因為文物醫生正檢查這些文物的健康狀況。不過無論最後名單係點,當中都至少會有兩成國家一級文物。


至於有關文物可否長時間放係香港,宋紀蓉就指要視乎文物嘅性質,例如瓷器、玉器、青銅器等無機質的文物,就可以展出較長時間,但比較脆弱的文物如書畫,易受濕度同光線影響。而一般的一級珍貴文物,一般展覽期不能超過3個月,而3個月後文物更要回到庫房休眠3年,才可再作展覽。


圖片來源:香港故宮文化博物館