每日跑10km恐怕連成年人都做唔到,但內地山東有個7歲嘅小朋友就堅持每日跑10km,原來佢係想增磅捐骨髓俾姐姐,救返患有嚴重再生障礙性貧血嘅姐姐。

據內地傳媒報道,山東濟南嘅琪琪自3月起就每日都堅持跑10km,佢跑到氣喘,停低休息一陣又繼續跑,直至跑咗10km先返屋企休息。琪琪嘅媽媽就咁每日揹住累癱嘅囡囡返屋企,好心痛,但為咗救大女,佢亦只好鼓勵琪琪繼續堅持。原來琪琪嘅姐姐舊年6月被診斷患有嚴重再生障礙性貧血(又名再生不良性貧血),需要做骨髓移植手術,而琪琪係最適合捐骨髓嘅人選。但係琪琪嘅體重太輕,醫生要求佢必須增重至25kg先適合捐贈骨髓。

琪琪本身唔鐘意做運動,但為咗姐姐已經堅持咗一星期,宜家琪琪距離目標體重仲差4kg,佢話:「我的身體越好,姐姐救治的希望就會更大一些,我得多鍛煉自己!」

圖:網上圖片