近日美國一間中學宣佈復課,而該校嘅樂團成員亦重新開始練習。不過,由於玩吹管樂嘅學生唔可以唔除低口罩演奏,所以該校就為每個學生準備一個獨立帳篷,等佢哋可以安坐喺裡面進行大合奏,唔需要擔心口沫橫飛嘅問題。


為咗讓樂團成員可以如常進行練習,Wenatchee High School 就喺禮堂設置咗多個獨立帳篷,比樂手們可以有獨立空間進行練習。而每個獨立帳篷亦相隔約1.8米,讓學生保持好社交距離。此外,樂團亦實行早晚班分批練習,降低病毒傳播嘅風險。


值得一提嘅係,校方準備帳篷全部都係統一尺寸,未必符合到每個學生嘅需要。例如吹小號、拉小提琴嘅同學心會比較輕鬆,但吹大號嘅同學就會比較辛苦,因為樂器重達16公斤,而且體積龐大,想要塞入帳篷都已經十分勉強。


圖片來源:Facebook@Wenatchee School District 246,Twitter@thehoffather