環團「綠色力量」發佈最新年度嘅「節氣觀蝶調查」,由20202月「立春」至20211月「大寒」嘅調查期內,喺本港錄得125個蝴蝶品種;蝴蝶個體數目超過6,600隻,兩者都係調查展開16年以來第二高。

調查亦錄得5個先前喺本港未有出現過嘅蝴蝶品種,包括屬「非常罕見」類別嘅「珀灰蝶」;「罕見」嘅「小紅蛺蝶」、「黃紋長標弄蝶」;未獲評級嘅「娜拉波灰蝶」,以及「常見」嘅「達摩鳳蝶」。

綠色力量高級環境事務經理單家驊表示,喺同一年度調查錄得5種新蝴蝶,情況較為特別。2020年係香港有記錄以來第二最熱嘅年度,氣溫較19812010年氣候正常值高攝氏1.1度,調查錄得嘅蝴蝶物種同數目亦係調查以來第二高,反映氣候變暖好可能影響蝴蝶出沒,天氣越熱越多蝴蝶。 

單家驊又指,雖然整體蝴蝶品種同數目增加,亦錄得較多新品種,但一啲過往喺本港較為常見嘅蝴蝶品種,如「琉璃蛺蝶」、「碧鳳蝶」數目則持續下降,長遠有機會改變本地蝴蝶種群結構,似乎氣候變暖令本地蝴蝶出現「新常態」。 

「綠色力量」自2005年起開展「節氣觀蝶調查」,以了解蝴蝶物種、數目與節氣嘅關係。 

圖片來源︰綠色力量