近日外國有廠商推出一款名為「JUPE」嘅流動住所,比都市人逃離一片「石屎森林」,享受一下大自然。而喺疫情肆虐嘅環境下,大家都對「避世隱居」嘅需求就更高,所以呢一個產品亦吸引咗唔少人嘅目光。


「JUPE」嘅結構非常簡單,輕巧嘅鋁杆再配上防火布,就組成咗一個幾何形狀嘅外帳。雖然呢個結構同露營帳篷差唔多,但「JUPE」入面嘅空間就大得多。10平方米空間可以放到一張King size嘅床、一張書桌及椅子,而加上木地板後,整個格局就更加有家嘅感覺。


如果想「JUPE」入面嘅設備更完善,用家亦可以喺加裝太陽能板、電源插座、USB充電器、WI-FI網路,以及LED燈等唔同嘅家居電器,去應付唔同嘅生活需要。現時「JUPE」正處於預購階段,售價為$17,500 美金(約港幣$13萬),首批產品預計會喺今年年初完成。


圖片來源:JUPE