受疫情影響,本港20至24歲嘅青年失業率達16.5%。有見及此,僱員再培訓局將會喺今個月8至19日舉行「青年培訓及職業網上博覽2021」,為年輕人提供一站式進修及就業線上平台,協助了解自己嘅興趣,並投身到相關行業。


博覽主要嘅對象為15至29歲、持有副學位或以下教育程度人士。參加者可即時查詢ERB課程資訊及報讀課程,同時瀏覽及申請約1,000個職位空缺。當中職位更涵蓋約25個行業範疇,包括資訊科技、會議展覽、康體娛樂、專業服務、工程及醫療等,十分廣泛。


除咗進修資訊同職位空缺外,博覽嘅頭兩日更會有「行業講座」,由四位行業專家分享一上數碼科技、電競及金融科技業嘅概況、發展前景同機遇,以及年青人創業成功故事。呢個博覽現已接受登記及預留名額,入場費用全免,有興趣嘅讀者可到此了解更多。


圖片來源:Facebook@My ERB