入職就有得上車?仲筍啲,係做埋業主呀! 

大家又知唔知董明珠係邊號人物?根據《2021胡潤中國職業經理人榜》,電器公司「格力電器」董事長董明珠以59億(人民幣)財富位列第31名,係內地數一數二嘅女企業家。近日就有內地媒體報導,其公司為咗吸引年輕人才加入,準備咗3,700個住宅單位,供新入職嘅打工仔入住。 

董明珠(226日)透露一項針對吸引年輕人才嘅政策,表示將會喺未來2年為打工仔提供房屋,畀新入職嘅科技人員享「一人一套房」。佢指出:「只要大學生來了,就是一套房」,並且有能力做到退休「房子就是你的」,藉此吸引大學畢業生。 

佢又提到,「做企業的,一定要思考怎麼給員工提供一個很好的環境,從而讓他把精力都投放在工作上。」佢特別關注8090後打工仔喺公司內嘅成長,認為「送樓」人才政策可以吸引年輕專才為公司長期服務,可以帶來格局上變化。

報道又指,該3,700個住宅單位總投資金額為20億元人民幣,將命名為「格力明珠廣場」,座落珠海市香洲區,並預計今年內分批落成。當中包括 11棟住宅大廈、1棟商業配套大樓以及1間幼稚園,而其住宅單位基本有21廳。 

圖片來源︰騰訊網