中學生發揮無限創意,以環保為理念創業,仲發展到網上營銷! 

青年成就香港部(JAHK)每年都會舉辦青年創業活動,一眾中學生可自組企業。而今年就以網上展銷會形式展示學生商品,同時畀學生體驗網上營銷。 

膠樽係本港最常見嘅廢物之一,但一直以來回收再造嘅效率不高。10名來自保良局李城璧中四、五學生,去年10月成立「Unbounded」公司,喺校內收集膠樽,聯絡廠商再造成伸縮雨傘,推廣環保理念。 

團隊諗到,落雨時市民常用即棄雨傘套,或者雨傘有啲破爛就丟棄,造成浪費,故想做出一把環保雨傘。


(圖︰Instagram@ unbounded_jacp

團隊設計嘅雨傘以淺灰色為主色,上面嘅標誌以亮麗黃印成,用意係想為灰暗嘅2020年帶來正能量,希望灰暗過後出現希望。而其印有「700」數字,係指14700毫升嘅膠樽造出一把雨傘。即其布料係用膠樽回收再造而成,將膠樽打碎成膠粒後,再重組成絲,織成布料。團隊預計製造500把雨傘,另外為咗收集膠樽,佢哋喺課室擺放回收箱,又舉辦回收比賽鼓勵同學提供更多膠樽。但疫情致面授課堂暫停,令回收膠樽困難重重,佢哋努力喺網上宣傳。現時雨傘生產當中,將會喺本月舉行嘅網上展銷會預售,4月中正式推出。 

另外,聖瑪加利男女英文中小學21名中四生組成「Enchkant」公司,經營手工品店,售賣客製化嘅環保燈罩同水晶球。


(圖︰青年成就香港部)

團隊設計嘅環保燈罩用兩層再造紙同報紙製成,上面有同學設計嘅剪紙圖案。作品有逆流而上嘅鯉魚、中環海岸綫,亦有山頂同鐘樓嘅3D模型配件。產品都有燈光,期望為本港帶來曙光。

JA香港青年創業網上展銷會」活動由青年成就部(JAHK)舉辦,吸引來自75間中學,超過1,200名學生成立公司,體驗網上營銷,學習商業技巧。展銷會將會喺313日舉行,讓學生嘗試喺網上營運攤位。