餵BB仔飲奶係唔少新手父母嘅難題,尤其係當BB仔體重過輕就真係要補充下營養。但點先可以令BB乖乖飲奶?美國西雅圖有位藝術家爸爸Rudy Willingham就諗咗條好橋,就係自製「灌酒器」(beer bong)餵BB飲奶!

36歲嘅Rudy Willingham日前帶8個月大嘅囡囡Lily去做健康檢查,醫生判斷Lily體重過輕。Rudy諗起自己大學嗰陣就係靠灌酒器猛飲酒嚟增加體重,於是就想喺Lily身上如法炮製。佢首先網購咗一個最細嘅灌酒器,並喺管嘅尾端駁上Lily嘅奶嘴,估唔到製成品駁得啱啱好:「就好像原本是同一套工具。」

Rudy呢個創意餵奶法寶真係work,Lily乖乖飲奶之餘,望住灌酒器嘅眼神仲超期待!Rudy強調Lily嘅灌酒器只會用嚟裝佢嘅配方奶,亦透露育兒嗰陣保持幽默感好重要:「否則父母會感覺壓力太沉重,寶寶也會感受到那股壓力。」

網民紛紛讚Rudy嘅方法有創意:「看看莉莉望著灌酒器的表情...好像在說:『快給我喝』」、「這個育兒術太棒了吧!」

圖:IG@ rudy_willingham