近日香港唔少學校都恢復半天面授課,唔知各位需要重新返學嘅學生心情如何呢?可能你會覺上網課更加輕鬆自在,但日前美國一位女童知道自學校即將復課後,竟然開心到喊咗出嚟。而佢激動嘅反應被母親放上網後,一眾網民亦紛紛祝福佢可以有美好嘅校園生活。


從影片中可見,母親 Tarine 先後舉起多張卡片,希望以另類嘅方式告知 9歲嘅女兒 Clara Zanotto 有關復課嘅清息。直至最後Tarine  神神秘秘地反轉三張卡片,而上面分別寫著「你猜猜」、「2021年3月3日」及「你可以返學了」。


已經無返學校接近一年嘅 Clara 一知道自己可以重返校園,立即激動得喊咗出嚟,而佢更加大喊:「我已經好長時間無返學喇!」。 Clara 隨後指,自停課以嚟自己一直希望可以重回校園,因為自己十分掛念可以每日見到老師同朋友嘅日子。


女童知道自己即將重返校園後嘅反應:


圖片來源:Youtube@Reopen California Schools