日前日本一款名為「羽美翔」嘅廁紙成咗網民嘅討論話題,因為呢款廁紙嘅售價雖然高達每卷$100港幣,但佢嘅包裝、質感,以及廁紙上面印花都獲網民大讚「貨真價實」。而呢款咁出色嘅廁紙甚至成為咗日本皇室嘅御用品,簡直係世界上最高級嘅廁紙。


「羽美翔」由日本嘅「望月製紙」生產,原料選用加拿大進口的100%頂級木漿纖維,並使用號稱全日本最清澈的河水「仁淀川」的水做加工處理。而廁紙上更有蝴蝶印花,以及一篇講述蝴蝶翩翩起舞嘅詩,成卷廁紙由用料到加工都可以話係一絲不苟。


雖然8卷「羽美翔」嘅售價為11,000日圓(約港幣$800),亦即每卷約100港幣,但呢款廁紙仍獲日本網民一致好評。網民都表示「羽美翔」極其柔軟,擦拭私人部位時非常舒適,不會似普通廁紙咁摩擦到皮膚,有網甚至留言笑道:「我的屁股時常在呼喚它」。


圖片來源:Twitter@hanebisho