近日印尼一位老伯伯喺街角守候女友45年嘅故事喺網上瘋傳,而呢一位癡情嘅伯伯已經去世後,人們更喺佢常駐嘅街角貼上一段訃聞悼念他,並指其「自1970年起,日夜的苦守,只為信守一個承諾,等待最愛的到來,這是愛情的力量」。


根據外媒報導,印尼東爪哇島嘅城市瑪琅(Malang)喺70年代爆發政治衝突及動亂,令到呢名叫阿里芬(Arifin)嘅伯伯被迫同女友分開。而當時阿里芬亦同女友約定喺政局穩定後,一齊返到街角嘅一間商店重聚,不見不散。


自從嗰日起,阿里芬每日都會到街角嘅同一位置等候,盼望著同愛人重逢嘅一刻。雖然女友遲遲都未出現,但阿里芬卻從來無放棄,依然每日坐在街角等候,風雨不改。而阿里芬嘅堅持亦令網民留意到佢,並為佢喺網上散播尋人嘅消息,以及分享佢嘅故事。


有心人為喺阿里芬常駐嘅街角貼上一則訃聞

可惜阿里芬最後都未等到女友嘅歸來,因為喺2017年4月8日,佢被發現暈倒喺行人路上,而臉上更有明顯傷痕,估計因車禍受傷。而阿里芬被送到醫院後搶救亦返魂乏術,並喺當晚逝世,結束咗自己長達45年嘅癡心守候。


圖片來源:Twitter@hurufkecil