大家會唔會一眼痕就捽眼?咁就弊傢伙啦!原來眼睛痕癢而捽眼會引致「錐形角膜」,嚴重仲會致盲。

香港眼科醫學院及香港眼科學會去年8-11月期間訪問103名市民,對錐形角膜認識嘅調查,發現部分港人捽眼問題嚴重。有四成多受訪者有經常捽眼習慣,當中有兩成人更每小時捽眼3次或以上,超過一半受訪者不知捽眼可導致錐形角膜。 

另外,眼敏感會導致眼痕,亦係捽眼嘅原因之一。香港中文大學醫學院眼科及視覺科學學系副教授、眼科專科醫生任卓昇引述中大調查指出,多達四成嘅68歲兒童患有唔同程度嘅眼敏感,約9成患者會出現眼部痕癢。 

「LOVE YOUR EYES唔捽眼」活動籌委會主席、眼科專科醫生陳頌恩表示,眼角膜中央向外凸出,呈圓錐狀就是錐形角膜。一旦患上錐形角膜,會導致近視同散光、視力模糊、眩光、光暈、急性角膜水腫,病情持續惡化仲會致盲。亞洲人患病風險較白種人高4倍。經常捽眼、患眼敏感、哮喘、濕疹者,以及有家族病史人士,都較易患病,由發病至病情惡化過程可長達1020年。 

圖片來源︰Unsplash@kuzelevdaniil


(圖︰FB@ Tommy Chan

香港眼科醫學院同香港眼科學會合辦「Love your eyes唔捽眼」公眾教育活動。