喺疫情之下發生嘅好人好事,更令人窩心。

中華聖潔會靈風中學22歲校友梁碩銘,228日透過學校Facebook專頁講述自己患上血癌,並不幸喺去年11月復發嘅經歷。梁指,自己曾先後接受標靶藥物治療及化療都無效,希望可以籌得300萬元嘗試新型細胞療法CAR-T。梁嘅經歷被廣傳後,短短一日已籌得30萬元,佢感謝善心人士嘅捐款,並指大家嘅慰問令佢感到前所未有嘅溫暖。

梁喺昨日(31日)再透過「中華聖潔會靈風中學校友會」Facebook專頁更新近況。梁表示,不知道Payme原來每年收款上限係30萬,又指多得各位熱心人士,短短一日時間捐款已到達30萬。佢再次感謝各位熱心人士捐款,並留下其他捐款方式,同時歡迎大家隨時聯絡佢了解更多情況,又希望自己嘅分享可以幫助大家了解更多有關血癌嘅資訊。

大家可以到Facebook專頁「中華聖潔會靈風中學校友會」瞭解詳情。 

圖片來源︰FB@中華聖潔會靈風中學校友會