近日美國一班蛋糕設計師合力打造出兩架「蛋糕賽車」,去挑戰健力士世界紀錄。最後呢兩架車亦成功以時速27.48公里,行駛咗106米,並成功創下世界上行駛得最快,以及行駛得最長距離嘅可食用車輛。


9個人嘅設計團隊足足用咗46個鐘去製作兩架「蛋糕賽車」,佢哋先喺兩架賽車嘅鋁架上,分別鋪上12層雲呢拿同朱古力蛋糕,然後再為賽車加上奶油忌廉及軟糖,製成一黑一白嘅賽車。


「蛋糕賽車」大功告成後,團隊就搵嚟舊世界記錄保持者 Mike Elder,以及世界冠軍賽車手 Michael Andretti 以蛋糕賽車一較高下。最後 Andretti 先到達終點,並以106米行駛距離宣告挑戰成功。而團隊隨後更即場切開「蛋糕賽車」,去慶祝剛剛創下嘅成績。


有關「蛋糕賽車」破紀錄嘅影片:


圖片來源:Youtube@Guinness World Records