近日,廣東省自然資源廳發布咗《廣東省國土空間規劃2020—2035年》,入面提到將預留空間建設兩條高速磁懸浮廊道,分別係京港澳高速磁懸浮同滬(深)廣高速磁懸浮廊道。其中京港澳高速磁懸浮嘅廣州至香港段「廣深港磁懸浮」,更有望20分鐘就可以由廣州到達香港。

《規劃》指出,興建兩條磁浮鐵路係為咗形成粵港澳大灣區區內1小時交通圈,2小時到達粵東西北地區,3小時直通全國。京港澳高速磁懸浮初步構思分別以香港同澳門做起點,香港開出嘅列車會途經深圳、東莞到廣州,澳門開出嘅列車就經中山、佛山到廣州。兩綫匯合後,途經清遠、韶關等城市,北上通往北京。

據了解,廣深港磁懸浮已率先深入研究,有可能首先建設,預料時速可達600公里,比高鐵嘅350公里仲要快7成,預料未來大概20分鐘就可以由廣州抵達香港。

圖:大公