近日澳洲一隻走失咗5年嘅綿羊被人搵返,而長時間無剃毛嘅佢身型臃腫,身上嘅羊毛更重達35公斤,足夠製成超過60件冷衫或者490對襪。目前呢隻綿羊正同其他羊一齊住係動物收容中心,並重新接受人類嘅照顧,以逐步恢復健康。


呢隻名為巴拉克(Baarack)嘅綿羊月初被人在郊野發現,而身體虛弱嘅佢隨後就被送到到動物收容中心 Edgar's Mission。由於巴拉克當時身上嘅羊毛多得誇張,甚至遮擋咗自己嘅視線,所以收容中心嘅工作人員隨即為佢剪毛,希望先將佢嘅重擔卸下,再為佢提供治療。

工作人員為巴拉克剃毛後,發現佢一邊嘅耳朵有釘過標籤嘅痕跡,故此相信佢原本有人飼養,但因為意外離群而迷失荒野。而收容中心嘅工作人員 Kyle Behrend 更表示,經人類馴化嘅綿羊喪失按季節自然脫落羊毛嘅能力,需要倚靠人類每年為佢哋剃毛,否則不斷生長嘅羊毛會影響到佢哋嘅健康


圖片來源: Instagram@edgarsmission