疫情放緩,唔少場所逐漸開放,嚟緊3月大家更有機會體驗Lego實體!

香港樂高探索中心主要為有3-10歲小朋友嘅家庭提供平均2-3小時嘅互動同教學體驗,中心面積達30,000平方呎,並設有10個唔同嘅樂高主題園區,近日終於落實正式開幕日期,感興趣嘅家長要快啲預購定門票入場啦,相信好快就會爆滿! 

香港樂高探索中心喺其Facebook專頁上正式宣布於31號開幕,同時網站亦開放各種門票及優惠套票供選購,選購門票後記得要預約入場時間及進場日期,以確保可以順利進入場館,持票人士最多可以喺場館逗留3個小時。 

中心設有10個唔同嘅樂高主題園區,包括古堡歷險、迷你天地、樂高好朋友、樂高創意工作室、樂高得寶農莊、魔法轉盤、樂高賽車場、樂高4D動感體驗、樂高咖啡室及禮品店。 

圖片來源︰FB@ 香港樂高探索中心