疫情之下大家都無得出外旅行,被迫要留港渡假。有見及此,九巴近日就喺 Youtube 發布咗一段影片,搞笑地向大家介紹「Buscation」,實行要比大家喺酒店Staycation、飛機Flycation 以外有多一個選擇。



影片中嘅「巴姐」向大家推薦咗一條由鯉魚門去屯門,全程行車時間為 92 分鐘嘅巴士路線 259D ,因為呢條路線不但可以欣賞到香港嘅城景,仲有機會睇到日落。而「巴姐」喺出發前亦向乘客講解巴士守則,又表示只要不要在車廂「偷食」就會有福袋送,十分有趣。


除咗 259D 外,「巴姐」亦推介咗252 千島湖路線,以發 52x 黃金海岸+三聖路線比大家。雖然九巴推出所謂嘅「Buscation」實屬惡搞,但影片亦引嚟唔少網民認真討論。網民們都紛紛留言笑道:「塞完觀塘塞屯公,保證日日buscation」、「希望九巴未來新車繼續用番傳統L凳唔該」。


「Buscation」介紹影片:



圖片來源:Youtube@九巴頻道KMB