疫情之下,唔少人都因為擔心染病,而想避免接觸各種公共設施。有見及此,近日有日本有公司就開發出一種「懸浮虛擬觸控螢幕」,並將其應用喺馬桶、密碼鎖等裝置,等民眾可以喺「零接觸」嘅情況下㩒掣。


呢款名為「Floating Pictogram Technology」嘅觸控螢幕由汽車零件製造商 Murakami Corp 同新創公司 Parity Innovations 共同研發。螢幕由雷射測距儀同鏡面旋轉鏡組成,並透過雷射測距技術感應用家手勢,做到無須實體按鍵就能操控機器嘅效果。


由於用家喺使用呢款觸控螢幕時,無需接觸螢幕都可以如常進行各種操作,所以十分方便同衛生,並且好適合使用喺各種公共設施,例如:升降機、櫃員機。雖然呢項技術主要會應用喺公廁上,但相信未來亦會被廣泛利用在不同嘅電器,以配合大眾對衛生嘅追求。


圖片來源:Murakami Corp