寵物得意可愛,睇住佢哋個萌樣真係好治愈!浙江杭州市近來有愈來愈多公司興起「團寵文化」,即係喺公司養寵物,唔單止可以紓緩同事工作壓力,仲有助促成公司生意上嘅合作,同時流浪貓狗又可以有個安樂窩,簡直係三贏局面。

外國唔少公司都允許員工帶寵物返工,浙江一間跨國公司嘅始創人山峰,之前喺美國工作嗰陣就有「團寵文化」。就喺佢嚟中國成立公司一個月之前,佢喺街頭發現一隻流浪狗,幫佢改名做「幸福」。三個月後,幸福大個小小,山峰就萌生將佢帶返公司嘅諗法。山峰公司嘅一名員工患有焦慮症,佢表示自己成日工作到半夜,但只要抱一下幸福,佢就覺得有安全感,成個人放鬆咗好多。幸福除咗係公司嘅吉祥物、「首席安撫官」之外,更會迎接外賓,間接促成雙方合作。

另外杭州有間IT公司亦有養貓咪,呢隻小貓咪喺由天花板跌落嚟嘅小野貓,由全體員工一齊照顧,而一切養貓開支由公司買單。公司負責話,員工返工放工都可以隨時「擼貓」,咁樣既可以減壓,對公司發展亦有裨益。

圖:都市快報