新一份《財政預算案》新鮮出爐,引起全城熱議。教育開支方面都不應忽視架!

預算案內容提及到為2022年文憑試考生繳交考試費、為中小學改裝或加裝自動感應水龍頭,涉及約1億元。另外,有消息指,截至本月11日,超過600間中、小學申請,涉及約兩萬個水龍頭。 

另外,又有提出將現時喺中學開展嘅「IT創新實驗室」拓展至小學。政府消息人士指,全港536間資助小學,可以喺3學年內申請不多於40萬元資助,最早可於下學年提出申請。申請辦法同中學一致,提交申請時需要詳列學校將參與或舉辦嘅STEM活動,及預計開支;而涉及硬件部分嘅開支,如添置電子器材、改裝電腦室等,就唔可以超過申請總額嘅一半。 

大學發展方面,預算案提出為理工科學生,設「創科行業短期實習計畫」恆常化,消息指將参考去年推行先導計畫嘅經驗,獲批人數不設上限,暫定預留約四千萬元供大學申請。 

至於由政府、大學及賽馬會慈善基金合辦嘅「傑出創科學人計畫」,消息人士指,三者合共提出20億元資助。有半數來自大學及賽馬會,餘下由教育局與創新及科技局平分,其中教育局將為八所資助大學有意聘請嘅海外學者,每年提供其薪金五成嘅津貼,上限100萬元,為期5年,名額為100人,大學最早可於6月起提交提名。

消息指,創科局喺創新及科技基金(ITF)中撥款,按照「研究人才庫」計畫,為該來港學者研究團隊中,為最多4名研究人員,提供每人每月1.8萬至3.2萬元不等嘅薪金,為期3年,「餘下兩年則由大學負責。」

圖片來源︰Unsplash@thisisengineering