受疫情影響,德國一隊名為「Milliarden」嘅二人搖滾樂隊未能大搞巡迴演出。於是佢哋就決定將一架小型貨車改裝成一個流動嘅演出場地,並四出為歌迷舉辦一個「一人專屬演唱會」。


為咗開演唱會,「Milliarden」嘅主音 Ben Hartmann 同鍵盤手 Johannes Aue 竟然改裝小型貨車,將其變成一個每次只可以招待一位歌迷嘅舞台,讓歌迷可以隔著一塊透明膠簾,近距離享受佢哋嘅表演。而佢哋更加喺車內放置咗燈飾、海報,以及塑膠玫瑰,務求令觀眾可以更投入。


雖然只有少部份嘅「Milliarden」歌迷可以通過 Facebook 贏得「一人專屬演唱會」嘅門票,但樂隊日前竟公開巡迴表演嘅紀錄短片,並表示佢哋將增加演出場次。而佢哋未來一周將走訪超過2,000公里,進行30場演出,去答謝歌迷。


圖片來源:Facebook@Milliarden