近日英國一名女子因為屋企再無位放畫,於是改喺更細嘅茶包上面畫畫。估唔到佢意外地創作出一種名為「茶包畫」嘅新藝術,而呢種「茶包畫」受茶漬嘅影響,背景會更深色、更暗,有一種古色古香嘅感覺,十分特別。


退休女老師 Jan Heath 喺疫情期間不停畫畫,而且越畫越多,就嚟連屋企都無位放。於是佢就諗到用茶包當作畫布,嘗試係更細嘅表面上作畫,去解決存放空間不足嘅問題。而慢慢地佢亦愛上咗呢項「挑戰」,並陸續用茶包創作咗數十件藝術品。


Jan 表示自己會根據茶包嘅口味、標籤,以及茶包上嘅茶漬顏色去作畫。而為咗畫「茶包畫」,Jan 不但喺網上訂咗唔同嘅茶包,佢更加嘗試回收朋友同家人用完嘅茶包,希望可以得到一啲標籤較特別嘅茶包。


圖片來源:Facebook@Jan Heath