受嚴重寒流影響,美國德州一間超市近日喺營業時遇上大停電,導致所有顧客都未如常結帳,並通通塞咗喺付款櫃檯前。不過眼見排隊付款嘅顧客越嚟越多,超市最終就決定唔等電力恢復,比所有顧客免費帶走貨品,比佢哋可以盡快帶物資返屋企。


根據外媒報道,位於德州嘅超市 H.E.B 日前遇上大停電,導致顧客無得用信用卡付款,而付款嘅隊伍亦因此「打蛇餅」。隨著等候付款嘅人又越嚟越多,但店内氣溫又因為無暖氣而逐步下降,H.E.B 最後就決定比所有客人直接著帶貨物離開,無需付款。


H.E.B 嘅舉動感動場内所有顧客,畢竟佢哋其實可以提早關門,並讓顧客放回所有貨品,但佢哋卻採取咗呢個暖心嘅做法。有當時在場嘅網民指, H.E.B 嘅員工更對佢說:「回家路上請小心!」,而在場嘅其他顧客亦被 H.E.B 嘅暖心舉動感染,並開始互相幫忙,場面十分有愛。


圖片來源:Facebook@TR Henny