宜家啲蛋糕越整越靚,有時甚至逼真到嚇親人!英國饒舌歌手Slowthai早前喺社交平台分享一組驚悚相片:佢瞓喺醫院病床上,四肢竟然被分屍,仲有人喺隔離將佢嘅殘肢裝盤添!唔使驚,細心啲睇,其實呢啲殘肢全部係由蛋糕做成,超級像真。呢組圖片一出,即刻引來大批網友關注,更紛紛直呼:「真的太嚇人了!」

據外媒報道,Slowthai呢組驚悚相,係佢喺2020年發表嘅歌曲MV片段,除咗Slowthai嘅頭部同上身之外,四肢都係由蛋糕、朱古力醬,同糖漿製成。不過其外形相當逼真,就連Slowthai身上嘅刺青都做得惟妙惟肖,皮膚紋路、指甲簡直同正常人一樣,令人一望之下真係會覺得Slowthai被人用刀分緊屍。Slowthai提到,呢件藝術作品需要花一星期時間完成,「每個細節都花了很長的時間製作,包括將紋身塗在皮膚上,或是將毛髮固定在腿上」。

呢個作品係由著名嘅蛋糕藝術家Ben Cullen所設計,佢以超現實主義嘅幻覺蛋糕而聞名,獲獎無數。

圖:IG@the_bakeking