推動粵港澳大灣區可持續發展,教育係不可缺少。 

廣東深圳市推進粵港澳大灣區建設領導小組(20日)召開會議,並發布今年工作重點,強調要加快香港大學喺深圳辦學嘅進度,加強與港澳兩地教育交流合作,建設粵港澳大灣區特色職業教育園區等。 

部門喺當日審議通過《深圳市推進粵港澳大灣區建設2021年工作要點》,提及香港大學喺深圳設立分校嘅情況,加強與港澳兩地教育交流合作。資料顯示,目前香港大學喺深圳設有深圳研究院,主要發展高新知識轉移、引進重點實驗室、研發中心同培養複合型科研人才等。

喺醫療同社會保障合作方面,今年工作重點將爭取國家支持優化港資澳資醫療機構准入,加快香港中文大學(深圳)附屬醫院、香港大學深圳醫院國際化臨床試驗轉化中心建設,爭取喺相關醫療機構先行使用已喺本港註冊嘅國際藥品同醫療器械等。

圖片來源︰大公網


圖為香港中文大學(深圳)學生閱覽室。