好多人嘅夢想係環遊世界,不過當你已經80歲仲有無勇氣追夢呢?俄羅斯有位婆婆Elena Erkhova,喺佢83歲嗰年踏上環遊世界嘅旅程,實現咗自己嘅夢想之餘,亦為自己最後嘅人生,留低咗最精彩嘅一頁。

據外媒報道,Elena Erkhova後生嗰陣一直無乜時間同錢出去旅遊,就喺佢83歲生日嗰年,朋友勸佢既然宜家有年金,做咩唔出門旅遊?Elena都覺得好有道理,於是馬上動身出發。從此Elena就開始遊歷世界各地,佢2016年去到越南,喺當地遇到同樣喺俄羅斯來嘅年輕旅行者。年輕旅者得知Elena嘅經歷之後,非常驚訝上咗年紀嘅佢,居然仲有環遊世界嘅精力,於是幫佢建立社交網站帳號,將佢嘅旅途擺上網同其他網友分享。

Elena嘅旅程一直維持到90歲,被新冠肺炎所耽擱。就喺Elena休養期間,有巴西嘅粉絲邀請佢嚟巴西,佢回應話「一定會過去的!」不過Elena最後以91歲高齡與世長辭,雖然Elena完成唔到同粉絲嘅約定,但佢始終得償所願、達成夢想。

圖:FB@Baba Lena Erkhova