近一年來,不少人到郊外抗疫,但一啲可能「好心做壞事」嘅舉動,令自然環境遭到破壞。而近日有「香港九大石澗之一」稱號嘅屯門青大石澗,有人以英泥將石澗旁嘅天然岩石填平,建起石屎長凳。

行山客「Ryan Wong」(219日)喺社交網站Facebook群組「香港行山路綫及資訊谷」指,行青大石澗時見到一名大叔整緊石屎牆,旁邊有一桶沙石。行山客問大叔「係咪你整個石屎台出嚟?」,該名大叔回答指天然岩石凹凸不平令佢無法好好安坐。又指,現場仲有石屎圍起區域,駁水管種菜,不少網民斥責此行為係破壞大自然。亦有網民對於大叔建石屎長凳指「老一輩嘅行山客、晨運客好興喺山上自建設施,大家文化唔同」。

建築工程師潘焯鴻則喺個人Facebook上發文表示,根據郊野公園條例第261E項,大叔已犯干擾土壤罪行,漁護處有權拘捕及檢控。即使不屬郊野公園,地政署亦有相應公地管理嘅法律,同樣會招惹官非。並呼籲所有山叔山嬸及晨運叔嬸唔好干擾自然環境、堆砌人工枱凳、挖掘或填充土地、圍封部份位置或設置神壇,以身試法。

圖片來源︰Facebook@Ryan Wong